Uphiko lwe-Independent Police Investigation Directorate (IPID) seluqale uphenyo ngemuva kwezinsolo zokuthi iphoyisa lizidubule lisesitokisini esiteshini samaphoyisa eDobsonville, eSoweto.
Iphoyisa ebeliboshelwe ukushayela liphuzile kuthiwa lathatha isibhamu salo lazidubula lisesitokisini samaphoyisa.
Okhulumela i-IPID uPhaladi Shuping ukuqinisekisile ukuthi baphenya icala lokufa esitokisini samaphoyisa ngemuva kwesigameko sokudubula esibikiwe ophikweni loMqondisi.
Uyiswe esiteshini samaphoyisa eDobsonville ukuze athathwe amasampula egazi.
Kuthiwa uzibulele ngokudubula yena.
Isigameko sibikwe kwa-IPID.