INkantolo eNkulu ehleli oPhongolo izokhipha isigwebo sayo ngoLwesithathu ecaleni elibhekene nomshayeli weloli olahlwe amacala angu-20 okubulala.
USibusiso Siyaya wayehamba ngeleloli lamalahle elagibela phezu kweveni elithwala izingane zesikole eminyakeni emibili edlule.
Izingane ezingu-18, umsizi kathisha nomshayeli weveni, bashone bonke.
Okhulumela i-NPA eKZN, uNatasha Kara, uthi uSiyaya, 28, uqale wabekwa icala lokubulala ngokungenhloso.
“INkantolo eNkulu yaKwaZulu-Natal, ehleli oPhongolo, ithole umshayeli weloli, uSibusiso Siyaya enamacala angu-20 okubulala, ukushayela budedengu nokuhluleka ukwenza umsebenzi womshayeli ngemuva kwengozi.