Uhulumeni wesifundazwe saKwaZulu-Natal usamukele isimemezelo seKhabhinethi elisha wasichaza njengethimba labesilisa nabesifazane abanamakhono.
NgeSonto, uMongameli Cyril Ramaphosa umemezele iKhabhinethi lokuphatha lesikhombisa.
Ihlanganisa ongqongqoshe bezinhlangano ezahlukene zezepolitiki okubalwa kuzo i-ANC, DA, IFP, PAC, FF Plus, UDM neGood Party.
I-KZN ibe yisifundazwe sokuqala ukukhetha uHulumeni Wobumbano Lwesizwe, ngenyanga edlule.
UNdunankulu uThami Ntuli uhalalisele ukubunjwa kweKhabhinethi.
“Egameni likahulumeni waKwaZulu-Natal, sihalalisela umengameli weRiphabhulikhi yaseNingizimu Afrika ukuthi akwazi ukukhetha amadoda nabesifazane abaseqophelweni eliphezulu nabasezingeni eliphezulu.”