UMnyango Wezempilo uyaqhubeka nemizamo yokubhekana nokuhlasela komiyane eWinterveld naseSoshanguve.
Ngonyaka odlule, umnyango waqala iphrojekthi kulandela izikhalo eziningi zabahlali mayelana nobukhulu benkinga.
Ukuhlasela komiyane kuphazamise izinga lempilo yezakhamuzi ezihlala ezindaweni ezimbili ezithintekile.
Isigaba sokuqala sokuqeda lesi sihlava sasibandakanya ukusetshenziswa kwendiza encanyana(Drone) e-Soshanguve ukuzama ukufafaza ubuthi obubulala lezi zinambuzane.
Umnyango uthe ukholwa wukuthi imbangela yale nkinga ihlobene namachibi amakhulu amanzi amile.
I-MMC yezeMpilo yeDolobha laseTshwane, u-Rina Marx: “Izindawo ezishiwo ngokwengxenye ziyizindawo ezingamaxhaphozi zemvelo ezinomthamo wamanzi amaningi, ngalokho ziwenza indawo ekahle yokuba omiyane bachume.”