Amaphoyisa KwaZulu-Natal athungatha izigebengu ezithwala imali ezihlasele iveni lemali ngaseMnambithi ngoMsombuluko ebusuku. Igenge yaqhumisa iveni yemali phakathi kwaseZakheni naseKuvukeni.
Iziphathimandla zithi abasolwa baphuce onogada ababili ngaphambi kokuzitapela imali.
Okhulumela oKlebe esifundazweni uSimphiwe Mhlongo uthe onogada ababili bakwazile ukubaleka bengenamyocu.
“Kuthathwe isamba semali esingadalulwanga base beshisa iveni yemali. Baphinde bathatha nezibhamu zonogada. Akukaboshwa muntu.”