Amaphoyisa aseNorth West abophe indoda eneminyaka engu-55 ubudala eZeerust ngokutholakala nogwayi ongekho emthethweni ongabiza u-R1.5 million.
Ngokusho kokhulumela amaphoyisa, uColonel Adele Myburgh, umlimi wabikela amaphoyisa ngesigameko esenzeke epulazini lakhe esidale izinsolo nokuholele ekuboshweni komsolwa.
Isigameko esifanayo senzeke ngoLwesibili eMakgobistad, ngesikhathi iloli ebelicishiwe iseshwa ngamalungu e-SANDF, athola inqwaba kagwayi ongekho emthethweni.
UMyburgh uthi umsolwa ecaleni likaZeerust uzovela enkantolo kusasa.
“Amaphoyisa aphendule ucingo lomlimi obone iloli elingaziwa, limi epulazini lakhe. ngesikhathi amaphoyisa efika elolini athola owesilisa phakathi. Esesha iloli, kutholakale ugwayi ongekho emthethweni, umsolwa waboshwa ngesikhathi kushaqwa iloli nogwayi.”