Amaqembu abafundi abangasebenzi azodlulisa izikhalo zawo ngokungabi bikho kwamathuba emisebenzi kuNdunankulu omusha waseKZN uThami Ntuli. Laba sebeqhinqe izinyanga eziningana ngaphandle kwamahhovisi akuLangalibalele Street, eMaritzburg.
Ngenyanga edlule, abafuna umsebenzi, okuhlanganisa nosonhlalakahle abaqeqeshiwe, osokhemisi nabahlengikazi, bathumele incwadi yezikhalazo.
OwayenguNdunankulu uNksz Nomusa Dube-Ncube wacelwa ukuthi aqhamuke nohlelo lokuqashwa ngokugcwele zingakapheli izinsuku ezingu-14.
Ekhulumela osonhlalakahle uNoluthando Ndlovu uthe basalinde impendulo.
‘Thina, njengabasebenzi bezenhlalakahle abangasebenzi, silindele impendulo nnokushintsha kwesimo. Udaba lwethu luyaziwa futhi ngeke lusashaywa indiva. Sifuna ukuthi abaholi abasanda kukhethwa bathathelwe izinyathelo futhi bazibophezele ngokugcwele ekutheni sithole imisebenzi.”