Iqembu loMkhonto weSizwe lithi umholi walo uJacob Zuma uzoxoxisana nethimba lakhe labameli mayelana nokuxoshwa kwakhe ku-ANC.
Lowo owayengumengameli unezinsuku ezingu-21 zokuphikisa ukuxoshwa kwakhe.
Ukuxoshwa kukaZuma kuvezwe emaphepheni aputshuziwe aphethwe yiSABC.
Imibhalo ikhombisa ukuthi ikomidi likazwelonke lokuqondiswa kwezigwegwe le-ANC lithole uZuma enecala lokubukela phansi ubuqotho beqembu ngemuva kokusebenza ngokubambisana ne-MK Party.
Lesi sinqumo silandela ukuqulwa kwecala lokuqondiswa kwezigwegwe okwenzeka ngoLwesibili ngesonto eledlule.
Isikhulumeli seqembu le MK uNhlamulo Ndhlela uthi kabasoze bahlehle babukele lokho akuthatha njengokungalungi okukhulu komkhokheli wabo.
I-MK Party ithi ishaqekile futhi iyadumala ukuthi iputshuziwe imiphumela yekomiti lokuqondisa izigwegwe eliphakamisa ukuthi uZuma axoshwe ku-ANC.