Sekudlule emhlabeni abafundi abathathu engozini yemoto eNewcastle esifundazweni saKwaZulu-natali bephuma emcimbini wokubungaza ukuqeda ukubhala.
Umnyango wezemfundo kulesi sifundazwe usukuqinisekisile ukuthi kushone abafundi abathathu abafunda eMnyamande High School Enyukhasela. Ngokusho kwalowo okhulumela lomnyango kulesi sifundazwe uMnumzane Muzi Mahlambi zintathu izingane ezidlulile emhlabeni kulesi sigameko kwalimala nezinye isibalo sazo esingaqinisekisiwe, “lesi akusisona isihathi sokugxeka nokubeka amabala, kepha yisikhathi sokududuza abashonelwe siphinde sikhulekele labo abalwela izimpilo zabo esibhedlela ukuthi bathole ukwelulama.” Kuchaza uMahlambi
Ngokwemibiko imoto ebithwele labantwana ibandakanyeke ngozini namhlanje ekuseni laba bantwana sebebuyela emakhaya. Akukaziwa ukuthi ngabe lengozi idalwe yini.