Amaqembu ahlukene ezepolitiki ngaphansi kwesifunda amaJuba angene umuzi nomuzi acela ivoti okhethweni lokuchibiyela.
Ezinyangeni ezindlule kwasula ikhansela le African National Congress(ANC) ku ward 11 kumaspala wase Newcastle uMnuz Mqondisi Dladla.
Ngolwesithathu usuku lokhetho lokuchibiyela kuleliya wadi kubonakala amaqembu ahlukene edlana umlala emikhankasweni yawo eyahlukene.
Umkhankaso weANC e Musa Kubheka Region uholwa uNgqongqoshe wezamaciko amasiko KwaZulu-Natal uDkt Ntuthuko Mahlaba, umeluleki kaMengameli uMnuz Jomo Sibiya, iphini likamengameli lombutho wantsha yeANC u Nkz. Phumzile Mgcina. Bathi bazolivikela I wadi le ANC.
Umkhankaso we iNkatha Freedom Party (IFP) uholwa uMeya kamaspala wese Newcastle uMnuz Xolani Dube ,uMeya kamaspala waseNquthu uMnuz. Lindokuhle Shabalala bathi bona bazobuya nalo iwadi bazoliphuca i-ANC.
kanti umkhankaso we Team Suger South African wona uholwa u Musa “Shukela ” Thwala kanjalo no Andile Nkosi bathi I Team Suger iyalidinga kakhulu leli wadi ukukhuphula izibalo zalo kumaspala wase Newcastle.
Kanti abadlana umlala kulombhidlango wokhetho lokuchibiyela:
ANC uMnuz Vusi Robert Mbatha
IfP – Dkk.Ntokozo Mdluli
Team Suger- uMnuz.Khethukuthula Handsome Zondo
EFF Nkk. Celiwe Khumalo
Wonke lamaqumbu athi asemi ngomumo aselindele usuku lokhetho.