Othisha ababili KwaZulu-Natal bayalashwa esibhedlela ngemuva kokulimala engozini yomgwaqo edlule nemiphefumulo yozakwabo ababili. UMnyango wezeMfundo eKZN uthi idlanzana lothisha laseNdwedwe, entshonalanga yeDolphin Coast, belihamba ndawonye ngesikhathi kwenzeka le ngozi ngoLwesithathu ebusuku.
Okhulumela umnyango, uMnuz Muzi Mahlambi, uthe kushone uthishanhloko nothisha.
“UNgqongqoshe wezeMfundo KwaZulu-Natal, uNksz Mbali Frazer, uthatha leli thuba ukudlulisa amazwi enduduzo ngokudlula emhlabeni kothisha ababili abebesendleleni eya kuworkshop kuthangi bephuma esikoleni samabanga aphansi iSogidi besuka esifundeni saseNdwedwe.
“Ababili babo basesimweni esibucayi mayelana nokulaliswa esibhedlela.”