Isiyabhukhwa ngemali intokazi esencane edume kakhulu ngokuhambela amarally amaqembu ezepoliti kuleli.
uThembeka Dliwako odume kakhulu ngeleNdlondlo yamaRally ongowokudabuka eMgungundlovu, uthi usezobhukhwa ngemali manje. UThembeka uthi usekhathele manje ukusetshenziswa mahhala uma kunemicimbi, usenemenenja ezobhekela ukuqhashwa kwakhe.
Indlondlo ifake isithombe esinemininingwane yokuqhashwa kwayo ekhasini layo likaFacebook namuhla.
Lentokazi esizinze eMnambithi ngenxa yokufunda, izakhele olukhulu udumo kuleli ngesikhathi ihambela wonke amaRally amaqembu athathwa njengamakhulu kuleli okuyi-EFF, i-ANC, i-IFP kanti mumva nje usebonakale ehamba nezikaMashaba i-Action SA.