Abadayisi bemakethe esemgwaqweni enyakatho neKZN babala izindleko zomlilo osucekele phansi amadokodo abo eMtubatuba.
IMakethe yaseZamimpilo, ebilungiswa, ishe yanqonqa emva kokuqubuka komlilo.
Abathengisi babethengisa izithelo, imifino, izingubo zendabuko, nomata botshani base-Afrika phakathi kwezinye izinto.
Seluqalile uphenyo ngembangela yomlilo. Umdayisi oneminyaka engu-62 ubudala uMatasi Mhlungo uthi ukhungathekile.
“Ngilahlekelwe yiyo yonke impahla yami. Yasha yangqongqa. Angazi nhlobo ukuthi ngizobuyela kanjani emuva kwalokhu. Lokhu bekuwukuphela kwemithombo yami yemali engenayo, anginandawo engingaya kuyo. Ukube kuphela umasipala angasibamba isandla, yize beyithathile imininingwane yethu.”