Category: EzasoThukela

Kutshelwe abokufika abavale izitolo zabo ngesikhathi kunemashi eMtshezi ukuthi bangabe besavula ngoba bezivalule ngesikhathi kunemashi namuhla. Le mashi ibihlelwe yiMeya yaseNkosi Langalibalele, uMduduzi Myeza, ngenhloso yokubhekana nodaba lwabantu abangekho emthethweni kuleli. Imashi ibihanjelwe yizinkumbi zomphakathi waseMtshezi kanye nesishoshovu uPhakelumthakathi, lapho abahlanganyeli behambe ezitaladini bephethe izingqwembe ezibhalwe “Mabahambe”. UMeya uthe ukuvalwa kwezinye izitolo ngesikhathi semashi kubonisa…

Masipala waseNkosi Langalibalele wethule uhlelo olukhethekile lwesaphulelo sokukhokha intela yomhlaba, izinsiza kanye nokuthuthwa kukadoti ngenhloso yokukhuthaza umphakathi ukuthi ukhokhe izikweletu zawo.Lolu hlelo lunikeza izindlela ezimbili zokuhlomula: Uhlelo 1: Umuntu uthola isaphulelo esingu-50% esikweletini uma ekhokha u-50% wesikweletu ngokushesha ngesikhathi kusayinwa isivumelwano. Uhlelo 2: Umuntu uthola isaphulelo esingu-40% esikweletini (kubalwa nenzalo), bese u-60% ukhokhwa ngezitolimende ezinyangeni…

Abasolwa abathathu abaneminyaka ephakathi kuka-30 no-39 kulindeleke ukuthi bavele enkantolo namuhla ngamacala ahlobene nezidakamizwa, kulandela ukuboshwa kwabo ngempelasonto edlule.Laba basolwa baboshwe amalungu e-uThukela District SAPS Intervention Task Team ngesikhathi kuqhutshwa umkhankaso wokulwa nobugebengu ezindaweni zaseBergville naseWinterton. Ababili baboshwe eBergville kanti oyedwa waboshwa eWinterton.Ngesikhathi kuboshwa, amaphoyisa athole amaphilisi eMandrax, amakhepsuli okusolwa ukuthi yi-heroin, kanye neCrystal Meth…

Amakhosi ase-Alfred Duma Local Municipality acele ukuba kuqiniswe kakhulu ezokuphepha kuma-ballot box njengoba kusondela ukhetho lohulumeni basekhaya. Lokhu kuvezwe emhlanganweni lapho inhlangano yokhetho, OThukela (IEC), beyethula uhlelo lwayo lokhetho phambi kwamakhosi kanye nezikhulu zikamasipala emahhovisi kaMeya uZama Sibisi izolo. INkosi uZwane igcizelele ukuthi ivoti libaluleke kakhulu njengoba linomthelela ekubusweni kwezwe lonke. Uthe kuyakhathaza uma kuvela…

Namhlanje umkhandlu wasekhaya i-Alfred Duma, ngaphansi kobuholi bukaMeya uMhlonishwa uCllr ZJ Sibisi, uhlangana nobuholi bendabuko (Amakhosi) ngaphansi kwaloMaspala ngenhloso yokwethula uSomqulu Wentuthuko Odidiyeliwe (IDP) kanye noHlahlo-mali lonyaka ka-2026/27. Lo mhlangano ubuhlose ukuqinisa ukubambisana phakathi kukamasipala nabaholi bendabuko, kanye nokuqinisekisa ukuthi izinhlelo zentuthuko zihambisana nezidingo zomphakathi oholwa ngamakhosi. I-IDP iwuhlelo olubalulekile ekuhleleni intuthuko, kanti uhlahlo-mali lubeka…

Iqembu leNkatha Freedom Party lithi lemukele izindimbane zabantu abasha abavela kwamanye amaqembu ezepolitiki eMtshezi, ngesikhathi somhlangano omkhulu obuhanjelwe nguMengameli weqembu, uVelenkosini Hlabisa. Lo mcimbi ububanjelwe eWard 7 eGoodhome Sports Ground ngaphansi kwe-Imbabazane Constituency, lapho iqembu lithe khona liyaqhubeka nokukhula futhi lithola ukwesekwa okuvela emphakathini. I-IFP ithi ukufika kwala malungu amasha kuwuphawu lokuthi abantu bayaqhubeka nokwethemba…

UMnyango wezinhlekelele ngaphansi kukaMasipala i-Alfred Duma uvakashele indawo yaseTholeni ukuyohlola umonakalo odalwe yisiphepho esishaye kule ndawo. Ngokusho kweKhansela lendawo, uMnumzane Mzuzwana Magasela, izindlu ezingaphezu kweziyishumi seziqinisekisiwe ukuthi ziphephukile ngenxa yamandla omoya. Lokhu kushiye imindeni eminingi ingasenamakhaya futhi idinga usizo oluphuthumayo. Iningi labantu abathintekilw bese beqalile bezama ukulungisa umonakalo lapho nenamandla khona. Ngaphandle kwalokho, izigxobo zikagesi…

Owesifazane oneminyaka engu-26 waseBergville ugcine ebutholile ubulungiswa ngemva kokudlwengulwa ngo-2019 ngumuntu ayemethemba emphakathini. Lesi sigameko senzeka ngesikhathi ebuyela esikhungweni sokuvota, lapho umsolwa amphoqela khona wamdonsela osebeni lomfula wamdlwengula. Umsolwa wabaleka endaweni ngemva kokuthi abhekane nolaka lomphakathi, kwase kulandela ukuthi anyamalale. Kuthiwa wayebalekele eGauteng iminyaka eminingana. Waphinde wabonakala ngo-2024 lapho aboshwa khona ngamaphoyisa aseDolobheni eMnambithi. Ngemva…

Owesifazane oneminyaka engu-41 uboshiwe eMeyerton eGauteng ngemuva kokusolwa ngokweba izinto ezahlukene ezitolo zasemnambithi. Kuthiwa utholakale ehamba nge-double cab bakkie egcwele impahla angakwazanga ukuyichaza ukuthi uyithole kuphi. Le mpahla ibihlanganisa ama-electric blanket, ukudla, inyama, izingubo, izinto zehardware kanye nezitsha. Amaphoyisa asola ukuthi le mpahla yebiwe ezitolo eziningi ezehlukene eMnambithi nakwamanye amadolobha asondelene noMnambithi. Uphenyo luqale lapho…