Category: EzasoThukela

BERGVILLE – Amaphoyisa KwaZulu-Natal abophe isikhulu sikazwelonke senhlangano i-All Truck Drivers Forum South Africa (ATDF-SA) ngezinsolo zokugqugquzela udlame ku-N3 ngaseBergville ekuseni ngoMgqibelo, mhlaka 30 Meyi 2026. Ngokusho kwamaphoyisa, ngesikhathi enza umsebenzi wokugada ku-N3, aqaphele ukuthi izimoto zihamba kancane zaze zama ngokuphelele. Lapho eyophenya, athole abantu ababalelwa kwabayishumi bevimba amaloli emgwaqeni. Kuthe uma laba bantu bebona…

OKHAHLAMBA – UMasipala wasoKhahlamba wethule isabelomali esingu-R300 million kumakhansela omkhandlu ukuze asivotele noma asiphikise ngesikhathi somhlangano womkhandlu. Ngokwemiphumela yokuvota, amakhansela angu-15 avotele ukwamukelwa kwalesi sabelomali, kanti angu-10 asiphikisile. Amaqembu ahola umkhandlu okubalwa kuwo i-ANC, APEMO kanye ne-NFP avumelene nohlahlo-mali, ethi luzoqhubekisela phambili ukusebenza kukamasipala nokulethwa kwezidingo emphakathini. Kodwa-ke amaqembu aphikisayo okubalwa i-IFP, EFF kanye ne-DA…

LADYSMITH – USomlomo woMkhandlu wase-Alfred Duma Local Municipality, uKhansela B.P. Sithole, wamukele ngokusemthethweni uKhansela Busisiwe Glenrose Langa njengelungu elisha lomkhandlu ngesikhathi efungiswa namuhla. UKhansela Langa ujoyine umkhandlu njengeKhansela le-Proportional Representation(PR) ngaphansi kwe-African National Congress, ethatha indawo kaKhansela ongasekho emhlabeni, L. Hlongwane, obedume ngokusebenza ngobuqotho nangokuzinikela emphakathini waKwa-Wadi 13. Ngesikhathi efungiswa, uKhansela Langa uzibophezele ekusebenzeleni umphakathi…

ESTCOURT – IMeya yoMkhandlu waseINkosi Langalibalele, Mduduzi Myeza, ithi iyakuthokozela ukwethulwa ngokusemthethweni kohlelo lwe-Social Employment Fund olwenziwe namuhla eHholo Ledolobha e-Estcourt. Kulomcimbi bekukhona noNgqongqoshe wezokuThuthukiswa koMnotho, Ezokuvakasha kanye Nezemvelo KwaZulu-Natal, Musa Zondi, ogcizelele ukubaluleka kokutshala izimali nokweseka intsha ukuze kuthuthuke izwe laseNingizimu Afrika. UMyeza uthe lolu hlelo oluqashe intsha kanye namalungu omphakathi engu 100 lwaqala…

Isibhedlela i-Laverna Private Hospital, esingaphansi kwe-lenmed, sibhekene necala lokusolwa ngobudedengu bezokwelapha kulandela ukushona kowesifazane oneminyaka engu-35, uMandisa Hlophe. Ngokqe-African Times uHlophe, obeyisisebenzi soMnyango Wezokuthutha KwaZulu-Natal futhi odabuka e-Ezakheni, wamukelwa esibhedlela ngomhlaka 4 Ephreli 2026 ukuze azale ngokuhlinzwa kwe-C-section. Kodwa-ke, abameli bomndeni bathi ukuhlinzwa kwenziwa ngendlela engafanele. Kuthiwa ezinsukwini ezimbalwa ngemuva kokuhlinzwa, uHlophe wabuyiselwa egunjini labagula…

Abokufika kanye nenhlangano ebizwa nge-Kopanang Africa Against Xenophobia bavulele uMasipala wase-Inkosi Langalibalele Local Municipality, iMeya uMduduzi Myeza kanye nokaputeni wamaphoyisa aseMtshezi icala enkantolo ephakeme eMgungundlovu. Lokhu kulandela umnqamulajuqu owabekwa yiMeya wokuthi bonke abokufika abangenaso isemthethweni bavale amabhizinisi abo bahambe zingakapheli izinsuku ezingu-21. UMeya uthe abokufika abangu-38 bafuna inkantolo ivimbe yena nezisebenzi zikamasipala ukuthi zingasondeli ezitolo…

UMfanufikile Ntokozo Mhlongo ugwetshwe iminyaka engu-8 ebhadla ejele yi-Estcourt Regional Court ngokulimaza ingqalasizinda ebalulekile kanye necala lokweba. Inkantolo iphinde yamgweba iminyaka emi-5 ngecala lokweba, kodwa lezigwebo zizosebenza ngasikhathi sinye (concurrently). Kule minyaka engu-8, iminyaka emi-3 imisiwe ngaphansi kwemibandela yokuthi angaphinde atholakale enecala elifanayo phakathi neminyaka emihlanu. Icala livela esigamekweni esenzeka ngo-Okthoba 2023 eMooi River, lapho…

Abaseshi base-Estcourt banxusa umphakathi ukuthi usize nganoma yiluphi ulwazi olungasiza ekuxazululeni icala lokubanjwa inkunzi esitolo sobucwebe. Kubikwa ukuthi ngoLwesithathu ekuseni mhla zingama-20 kuNhlaba 2026, owesilisa wangena esitolo sobucwebe endaweni yaseMtshezi wafike wakhomba ngesibhamu abasebenzi besitolo ngaphambi kokuba abaleke nobucwebe obuningi. Amaphoyisa akholelwa ukuthi owesilisa okhonjiswe esithombeni angaba nolwazi olubalulekile olungasiza ophenyweni. Noma ubani onolwazi ngendawo…

Uvalwe thanqa umgwaqo endaweni yasePitas eMnambithi kulandela imibhikisho yomphakathi okhala ngendlela okuqashwa ngayo enkampanini yakwa-Defy Appliances. Abahlali bavuke umbhejazana bavala umgwaqo, besola inkampani ngokuthi iqasha ngokwenzelela futhi ibeke eqhulwini abantu abangewona abendawo ngesikhathi abantu bendawo bengasebenzi. Ngokusho komphakathi, kukhona imizi okuthiwa kuqashwe kuyo abantu abangaphezu koyedwa ngendlela engacacile futhi engenabulungiswa. Abanye bathi lokhu sekudale ulaka…