Category: Izindaba Zezwe

INingizimu Afrika isithathe isinyathelo esikhulu ekulweni ne-HIV ngokufika komthwalo wokuqala womuthi iLenacapavir (LEN), ojovwa kabili kuphela ngonyaka. Kufike imithamo engu-37,920 e-OR Tambo International Airport ivela eDublin, okuyinto ebalulekile ekwandiseni izindlela zokuvikela i-HIV ezweni elisabhekene nenani eliphezulu labatheleleka. Lo muthi uhlukile ngoba awudingi ukuthi umuntu awuthathe nsuku zonke njenge-PrEP, okwenza kube lula kubantu abanobunzima bokulandela imishanguzo…

Ochwepheshe bezimakethe baxwayisa ngokuthi iNingizimu Afrika ibhekene nokukhuphuka kwamanani okudla ezinyangeni ezizayo ngenxa yokwenyuka kwamanani kaphethiloli. Kuthiwa imiphumela izoqala ukubonakala phakathi kwenyanga eyodwa kuya kwezintathu njengoba izindleko zokuthutha zidluliselwa kubathengi. UCasey Sprake uthi abathengisi bacindezelekile ngoba abakwazi ukukhuphula amanani kakhulu njengoba abantu sebevele bebhekene nobunzima bezomnotho. Ngenxa yokuthi izitimela azisebenzi kahle, izimpahla zithuthwa kakhulu ngemigwaqo,…

UMnyango Wezokuhlunyeleliswa Kwezimilo wethule uhlelo olusha lokulandela omakhalekhukhwini abangekho emthethweni emajele akuleli. UNgqongqoshe uPieter Groenewald uthe lolu hlelo luzothatha indawo yama-signal jammer ayebangela ukuphazamiseka emphakathini. Kusukela ngo-2024 kuya ku-2025 kubanjwe omakhalekhukhwini abangaphezu kuka-41,000, kanti abangaba ngu-37,000 batholakala ngonyaka owodwa. Lokhu kukhombisa ubukhulu benkinga njengoba kuneziboshwa ezingaphezu kuka-167,000. UNgqongqoshe uphinde waveza ukuthi abanye abasebenzi bayabandakanyeka ekungeniseni…

Amaphyisa akuleli abambe cishe izigebengu ezingu-17 000 ngesikhathi somkhankaso i-Operation Shanela kusukela mhla zingama-23 kuya zingama-29 kuNdasa 2026 ngaphambi kwamaholide ePhasika. NgokukaVincent Mukhathi, kuboshwe abantu abangu-16 599, kuhlanganisa nabangu-2 026 abebefunwa ngamacala abucayi afana nokubulala, ukudlwengula nokuphanga. Amaphoyisa aphinde abamba izimpahla zomgunyathi ezibiza izigidi eziyizi-R160 eGauteng, KwaZulu-Natal naseWestern Cape. Kuboshwe nabesifazane abahlanu e-OR Tambo Airport…

Owayeyilungu lePhalamende le Economic Freedom Fighters, Mbuyiseni Ndlozi, usebhalele umengameli wase South Africa, Cyril Ramaphosa, emcela ukuthi amise uKhomishana Kazwelonke wamaphoyisa u Fannie Masemola bese eqoka u Nhlanhla Mkhwanazi njengomphathi wamaphoyisa kuzwelonke. Encwadini yakhe, uNdlozi uthe uMkhwanazi waziwa ngokusebenza kanzima ekulweni nobugebengu futhi akesabi izigebengu. Ubuye wathi umphakathi uyameseka kakhulu futhi uyamethemba ngenxa yomsebenzi wakhe…

Umkhandlu wobukhosi bakwaAbaThembu Royal Council uthi uzobhalela inxusa laseNigeria eSouth Africa mayelana nezinsolo zokugcotshwa kwenkosi yaseNigeria eEastern Cape. Lokhu kulandela ukusabalala kwamavidiyo ezinkundleni zokuxhumana akhombisa umcimbi wokugcotshwa komuntu obizwa ngo “Igwe Ndigbo Na East London” eEast London. Indlu yobukhosi kaBuyelekhaya Dalindyebo isiphikile imibiko ethi inkosi yamukele noma yanika lowo muntu ubukhosi. Iqembu lezepolitiki iAfrican Transformation…

I-African National Congress (ANC) ithi imashi ehlelelwe usuku Lwamalungelo Abantu ayikona ukuhlasela uhulumeni kodwa iyisikhumbuzo sokuthi iNingizimu Afrika kusenebanga okusamele ilihambe ukuze kufezwe ukulingana. Iqembu limemezele ukuthi lizobamba lokho elikubiza nge-“People’s March” eGoli ngoMgqibelo, zingama-21 kuNdasa. Imashi izoqhubeka idlulele edolobheni kuze kuyofika e-Constitution Hill, lapho okulindeleke ukuthi izikhulumi zibheke inqubekelaphambili kanye nezinselelo zezwe kusukela kwaqala…

UNgqongqoshe wezokuBusa ngokuBambisana neziNdaba zoMdabu uMnuz Velenkosini Hlabisa usexwayise ngokuthi omasipala abasebenzisa budedengu izibonelelo zengqalasizinda basengozini yokulahlekelwa wuxhaso oluvela kuhulumeni. Ekhuluma ePhalamende ngoLwesithathu, uHlabisa uthe uhulumeni uqinisa umsebenzi wokugada ukuze aqinisekise ukuthi izimali zomphakathi zisetshenziselwa inhloso yazo nokuthi imiphakathi ithola izidingongqangi. Uthe amaphrojekthi asalela emuva noma akhombisa izimpawu zokungaphathwa kahle kumele abikwe, kanti enye imali…