Osebenza efemini usesimweni esibucayi esibhedlela kulandela ingozi enyantisayo edlule nemiphefumulo yozakwabo eWestmead, entshonalanga yeTheku. Iloli lezingodo libhodloze indawo engumngqengqema oluku-Monte Carlo Road ngoMsombuluko ntambama.
Amaqembu abezimo eziphuthumayo athi amadoda amabili asebenza ngaphakathi efemini abevaleleke ngaphansi kweloli ebelidonsa lomthwalo.
Okhulumela abezimo eziphuthumayo bakwa-ALS uGarrith Jamieson uthi izicishamlilo zisebenze amahora amaningi ukukhulula la madoda.
“Abezicishamlilo eThekwini basebenzise imishini yamanzi kanye nama-airbag ukuphakamisa iloli ukuze likhulule iziguli ezimbili. Ngebhadi oyedwa wesilisa, okukholakala ukuthi uneminyaka eko-20 ubudala, uthole imihuzuko. Akukho abebengamenzela khona abezimo eziphuthumayo. kuthiwa ushonile endaweni yesigameko.”
Umshayeli weloli, oneminyaka eko-30 ubudala, ulimale kanzima. Amaphoyisa aphenya imbangela yengozi.