UMnuz Ayanda Msweli ongumethuli wezimo zomgwaqo emsakazweni uKhozi FM utshele izethameli emcimbini wokugcotshwa kukuMengameli omusha wenhlangano yabangcwabi i Funeral Director’s Association of South America (FUDASA) uMnuz Bonginkosi Mhlongo eMngungundlovu izolo ukuthi ukwakha itshe lesikhumbuzo elikhulu emgwaqeni u Helpmakaar phakathi kwasedolobheni uMnambithi naseKuvukeni ukuhlonipha lamalunga omndeni owodwa ashonela kuloya mgwaqo ngokudutshulwa sekuzoqala.
Ngenyanga ephelile kwadutshulwa kwabulawa amalunga omndeni owodwa ayisithupha.Lomndeni wahlaselwa ngamadoda angaziwa kulomgwaqo ngasendaweni yaseNtshele kohna eMnambithi.
UMsweli uthi lelitshe lesikhumbuzo elikhulu lingabiza imali engu R150 000 uma lakhiwa. Ukusho lokhu ngenkathi ekhuluma nabangcwabi abangu70 abangaphansi kwenhlangano i-FUDASA.
Kanti omunye wabangcwabi u Mnuz Trevor Khanyile
uthe uzolifezekisa iphupho lika Msweli ngokwakha itshe lesikhumbuzo ngokunikela ngelemali edingekayo.