Bashaqekile othisha kanye nabafunddi besikoleni iNkoningi Primary, eNtambanana, kubikwa ukuthi abafundi bathole isidumbu sikathishanhloko silenga ngentambo kwelinye lamagumbi angafundeli esikoleni ngoLwesine ekuseni.
UMnuz Welcome Mathenjwa kuthiwa ubesandokuthatha isikhundla sokuba nguthishanhloko kulesi sikole, kukholakala ukuthi uzilengise ngoLwesithathu ebusuku, isidumbu sakhe saze sabonwa ngabafundi ekuseni ngolwesine.
Okhulumela amaphoyisa KwaZulu-Natal uConstable Thenjiswa Ngcobo, uthe amaphoyisa aseNtambanana asevule odokodo lophenyo ngokufa komuntu.