Isalukazi saseThekwini sitshele uMengameli we-ANC uMnuz Cyril Ramaphosa ukuthi yize sesihlanganise iminyaka engu-87 kodwa namanje asinayo indlu egameni laso. URamaphosa ubekhankasa kuleli dolobha ngaphambi kokhetho oluzayo.
Uhambele izindawo eziningi okubalwa nesonto elisePinetown izolo.
URamaphosa uthi useqinisekise owesifazane, ohlala namadodana akhe amabili nabazukulu abahlanu, ukuthi uzothuthela emzini wakhe omusha emasontweni amathathu ezayo.
Ngosuku olwedlule, uthembise ukwakha isikole nesikhungo sezempilo eNanda.
“Lo mtholampilo nawo unenkinga yokushoda kwezimali kodwa sinomtholampilo ongumahamba nendlwana oza lapha kanye ngesonto nodokotela nabahlengikazi.
Okusho ukuthi lapho kunesikhala khona siyasivala ngokukhombisa ukunakekela kwethu. Mayelana nezikole, kunesizinda sesikole esisihlonzile futhi leso siza sizoba nesikole maduze.”