Umculi kamaskandi uthi usenqume ukuthi anikele ngazo kulabo abeswele izimpahla zokugqoka ayezithengele ingane yakhe emva kokuthi umama wengane yakhe enqume ukuthi azibuyise ngoba ethi ziyizinsalela zezinye izingane zakhe.
Untencane Zondi odabuka eGreytown ungene enkundleni yokuxhumana uFacebook wachaza kabanzi ngokwenzeka phakathi kwakhe nomunye umculi ababethandana naye abaze baba nomtwana naye owaziwa ngelika Miss Level. Sekuphele izinsuku ezimbalwa laba benqakisana ngamazwi ezinkundleni zokuxhumana kanjalo nangezingoma. Ngeviki eledlule uNtencane ukhiphe icwecwe elisha elinengoma esihloko sithi,”Dear mama womntanami” lapho kulengoma ekhala ngomama wengane ongafuni ukuvuma ukuthi uthando alusekho futhi akayeke ukulwa asebenzise ingane yabo. Ngeviki elilandelayo umiss Level ukhiphe eyakhe ingoma eyisingle esihloko sithi ,”Dear baba womtanami” ephendula lengoma kantencane.
Seside isikhathi uMiss level esola uNtencane ngokungayondli ingane yabo eneminyaka emine. Untencane uyaziphika zonke lezo zinsolo, uthi uyena uMiss Level owenza kube nzima ukuthi ondle ingane yakhe,”kukhona lapho engezwa khona ngabantu ukuthi uboleka izimali ngoba ingane ayinazo izinto ezidingayo, ngabe sengimthumelela imali ngase leso sikhathi. kwabe sekudlula izinsuku ezimbili wabuya wafona wathi angilethe i-akhawunti yasebhange ayibuyise leyo mali ngoba akafune mali evela kimi,” kuchaza untencane.
Lomculi uphinde waveza ukuthi wake wamthatha nengane waya nabo eThekwini nokuyilapho athengela khona ingane izimpahla ezingafinyelela kwinani lika R7000, wabe esemthengela naye umama wengane amateku adulayo,
“ngezwa sengifonelwa ekhaya kuthiwa uzibuyisile izimpahla ekhaya wathi angeke yena ingane yakhe igqoke izimpahla eziyizinsalela zezinye izingane. ngamangala ke mina ukuthi kanjani ngoba lezi zimpahla ngazithenga ngihamba naye. Yingakho ke ngithi uma kukhona umaka-Enzo odinga izimpahla njengoba kungukhisimuzi nje asho ngimuphe zona ngoba angazi ngizozenzani,” kuchaza lomculi
Yimina, bakithi yimi nkosi yami
Yimina boo
Ngiyacela ngajabula mangase ngizithole egqoke untwana wami
Ngicela ungiphe zona uzogqoka u Nanah
Wena ntencabe awsamthatmnd vele lo sisi wawumumithise lani wawudlalelan ngane uth uyamthanda noma wawfunaa ikhekhe besuyamshiya namnj mina ngsaksola akulula bafeth ukuhlukana nomunt okuzalisile mina kumnj ngbona ngath ngeke ngishade ngoba lowangzalisa kwakmele ngishade naye ngyasaba ukushiya engane yam ekhaya khomuntu ongasala nayo leyandoda ngbona ngath ngekimthande ngenze njn babomtanam sokwenza njn ngale ngane ngoba fut nawe umfaz wakho ngeka ythande senze njj
Akaziphe mina bakit ingane yam izdinga kambi