Umphakathi waseThintwa, kuWard 13 eBergville ngaphansi kukaMasipala wasoKhahlamba, ukhala kakhulu ngentuthuko ehamba kancane kanye nengqalasizinda eyonakele ebeka izimpilo zabantu engcupheni. Ibhuloho elikuD364 selibe yinkinga enkulu emphakathini. Izakhamuzi zithi selonakele kakhulu kanti noma zike zazama kaningi ukuxhumana noMnyango Wezokuthutha, azikaze zithole usizo olugcwele. Kunalokho, kufakwa inhlabathi nje egcina iguguleka uma kunezimvula, okwenza isimo sibe sibi kakhulu….

Isikole i-Ujikelele High School esiseMabhalonini, eWard 23 eMtshezi, sidunyiswe kakhulu ngokuziphatha kahle kwabafundi baso, ukubonakala okuhle kanye nemiphumela emihle yezifundo ngesikhathi sokuvakasha sakamuva kweMeya kaMaspala Inkosi Langalibalele uMhlonishwa Mduduzi Myeza njengengxenye yokuhambela izikole endaweni. Abafundi banconywe ngendlela abagqoka ngayo umfaniswano wesikole, behlanzekile futhi behlelekile, kusukela emabangeni aphansi kuze kuyofika kwabangena uMatric. Lokhu kuboniswe njengobufakazi bokuziphatha…

Uphele emehlweni owesilisa odabuka ezweni lasePakistan owayekhululwe ngebheyili ecaleni lokunukubeza ngokocansi owesifazane ayesebenza naye kwesinye sezitolo eMnambithi. Lo wesilisa waboshwa ngonyaka odlule ngemuva kokuba owesifazane ayesebenza ngaphansi kwakhe evule icala, emsola ngokumnukubeza ngokocansi. Ngokombiko, kuthiwa lo wesilisa wamcela ukuthi aye endlini ayehlala kuyo, emtshela ukuthi ufuna amsize ukuhlanza indlu. Kuthiwa ngesikhathi esesendlini wabe esemhlasela, wambhudubeza…

Abeneme neze abantu baseBergville ngokunyuka kwemali yokugibela itekisi elisuka edolobheni liye eMgungundlovu,lokhu kuza emva kwesimemezelo sokuthi lemali isizokuba nguR200 isuka kuR160. Abagibeli bathi lokunyuka kukhulunkakhulu uma uqhathanisa nobekwenzeka ezikhathini ezedlule lapho itekisi ininyuswa ngoR10,bafisa abantu bamatekisi babuyekeze lesinqumo sabo sokunyusa lemali kangaka. Ezinye zezinto abacela bazibuke ngukuthi nomphakathi usenkibgeni yezezimali nakuwo akuhambi kahle bayapatanisa ukuze…