UMengameli we-Inkatha Freedom Party (IFP), uVelenkosini Hlabisa, usamukele ngokusemthethweni uSibusiso Mkhabela eqenjini le-IFP namuhla eThekwini.
UMkhabela, obeyiMeya yaseDumbe, usejoyine i-IFP ngemuva kokushiya iNational Freedom Party (NFP).
Ukwamukelwa kwakhe kuza ngemuva kwezinsuku kube nemibiko yokuthi ungomunye wabaholi bezepolitiki abebehlela ukujoyina i-IFP.
Ukushintsha kukaMkhabela iqembu kungaba nomthelela omkhulu kwezepolitiki eDumbe, ikakhulukazi njengoba kusondela ukhetho lohulumeni basekhaya.
UMkhabela ubengomunye wabaholi abaqavile kwi-NFP, kanti ukujoyina kwakhe i-IFP kulindeleke ukuthi kushintshe isimo sezepolitiki endaweni yaseDumbe.
I-IFP ibingakadaluli kabanzi ukuthi uMkhabela uzobamba siphi isikhundla noma indima ngaphakathi eqenjini.
