UHulumeni wesiFundazwe saKwaZulu-Natali uqinise imizamo yokunqanda ukubhebhetheka kwesifo samatele (FMD), njengoba sekunezinyathelo zokungenelela ezisebenza ezingeni eliphezulu kuzo zonke izindawo ezithintekile. Izolo, uMnyango wezokuBusa ngokuBambisana neziNdaba zoMdabu (i-CoGTA) kanye nowezoLimo nokuThuthukiswa kwezindawo zaseMakhaya (i-DARD) usingathe uHlelo lokuNgenelela ekuzameni ukulwa nesifo samatele eBergville Sports Complex. Lo mhlangano ubuhanjelwe abalimi, amalungu omphakathi, Amakhosi, abaholi bakamasipala kanye nezinhlaka ezithintekayo…

Abahlali baseSt Chads eMnambithi bakhale ngesimo esibi semigwaqo yalendawo, abathi seyisiphenduke ingozi emphakathini. Bathi imigwaqo seyigcwele imigodi, ayisasebenziseki kahle futhi idala izingozi ezingadingekile. Ngokusho kwabahlali, le migwaqo isilimaze izimoto zabo futhi iphoqa abashayeli ukuthi bahambe kancane noma bagweme ezinye izindawo ngokuphelele. Bathi sekunzima ukuhamba, ikakhulukazi ngezikhathi zemvula.Abanye bathi sebephelelwe yithemba ngosizo lweziphathimandla, baze bathi sebenikela…

Namuhla, Government Communication and Information System (GCIS) ngokubambisana neStatistics South Africa (Stats SA) bebese-Illing Road intersection eMnambithi (Ladysmith), behlangana nomphakathi ngenhloso yokwabelana ngolwazi olubalulekile mayelana neNkulumo Yesimo Sezwe (State of the Nation Address – SONA) ezokwethulwa mhla ziyi-12 kuNhlolanja 2026. Lolu hlelo beluhloselwe ukuchaza ngokucacile ukuthi i-SONA iyini, kungani ibalulekile, nokuthi izinqumo nezinhlelo ezimemezelwa kuyo…

Usadidekile namanje umndeni wakwaMavundla owakhe epulazini uDe Ruste elise Winterton eBergville,unqatshelwa ukufihla ilungu layo elidlule emhlabeni. Okhulumela umndeni uMnu Mndeni Mavudla uthi ngesento eliphelile ngolwesine kwashona umfowabo uSakhile Mavundla obesehlala eGoli ngokusabenza kodwa ozalelwe khona eplazini iDu Ruste,njwayelo kuyabikwa kumnikazi weplazi nebala bamubikela ukuthi sekuvele umshophi kodwake kwabashaqisa ukuthola impendulo ethi ngeke bangcwabe ePlazini lakhe…

Njengoba amazinga okushisa eqhubeka nokwenyuka, izakhamuzi zaseTholeni ngaphansi kwe-Alfred Duma Local Municipality ziphoqeleke ukuba zigqube amabhala zilande amanzi phansi emifuleni ukuze ziphile. Amanzi empompini awasaphumi sekunesikhathi, kanti akukho namaloli aletha amanzi afikayo kulendawo ukusiza umphakathi. Abantu bakulezi zindawo basebenzisa amanzi omfula ukuphuza, ukupheka nokugeza, yize besaba izifo ezingavela ngenxa yokungahlanzeki kwamanzi. Isimo sibhebhethekiswa wukushisa okukhulu,…

Imeya kamasipala waseLangalibalele, uMduduzi Myeza, ihlangane nabasebenzi bakamasipala namhlanje ekuseni emhlanganweni wokubagqugquzela ukuthi baqinise ukusebenza kwabo, ikakhulukazi abasebenza ukuhlanza imigwaqo edolobheni laseMtshezi. UMeya ugcizelele ukubaluleka kokuzinikela emsebenzini, wathi yize kukhona intuthuko ebonakalayo, kusekhona izindawo ezingakahlanzeki ngendlela eyanele. Uthe sekuyisikhathi sokuthi abasebenzi “baphakamise amasokisi” ukuze idolobha libonakale lihlanzekile ngaso sonke isikhathi. “Akukho nokuthini, ubusuku sebufana nemini…