Amaphoyisa aphume umkhankaso wokuthungatha kulandela isigameko sokudutshulwa kubulawe abantu ababili endaweni yokucima ukoma eHammarsdale, entshonalanga yeTheku. Abesilisa ababili abaneminyaka eko-20 kubikwa ukuthi badutshulwe bephuza nabangani ngeSonto, kulandela ingxabano okusolakala ukuthi isuke kubangwa owesifazane.
Ngokusho kokhulumela amaphoyisa e-KZN, uRobert Netshiunda, la madoda amabili atholwe ngabasolwa behleli etafuleni eliku-D42 Marine Road elokishini laseMpumalanga.
“Amaphoyisa aphendule imibiko ngesigameko sokudubula, kwathi efika endaweni yesigameko, isisulu esisodwa satholwa eduze kocingo, esinye singaphakathi ethaveni. Bobabili bebenamanxeba amaningi okudutshulwa,” kusho uNetshiunda.
Ukuthungathwa kwabasolwa kusaqhubeka.