Umphakathi owakhele amaplazi ase Lusitenia kanjalo namakhansela batuse iqhaza likasomatekisi wendawo ongasekho uMnu. Mthofi Ngwenya ngokuba isishoshovu esilwela intuthuko emphaka base maplazini.
UNgwenya ungomunye wabantu abebefuna umaspala wase-Alfred Duma ufake ugesi emapulazini ase Lusitenia.
Umaspala wase Alfred Duma wethule usonkontileka ozofaka ugesi kulamapulazi ngemali engango-R6 Million njengoba kuzohlumula imizi eyikhulu namashumi amabili.
Ukhansela wakuleyandawo UMnuz Thembinkosi Ngcobo uthi ngeke bawabukela phansi amandla ka Ngwenya ngoba ungomunye wezifundiswa ebeziyithanda indawo yangakubo nalapho akhulele khona. UNgcobo uveze ukuthi bahambe ibanga elinde no Ngwenya ukuze amaplazi anjenge Ndidane ,eziMpofu kanjalo no Mgwinshi bathole ugesi.
Kanti oyilunga lesegungu esiphezulu kumasipala wase Alfred Duma Ukhansela Thobani Dlamini uthi losonkontileka abebezomthula uzoqasha abantu abangamashumi amabali kanti loluhlelo lokufaka kuka gesi kulamaplazi kuzothatha izinyanga eziyisithupha.