Category: Izindaba Zomphakathi

Imashi ye-“March And March” ibanjelwe e-Mnambithi namuhla, lapho ababhikishi beqale khona e-Illing Road baya e-Kandahar Sports Ground. Le mashi ihehe abantu abavela ezindaweni ezahlukene zaseMnambithi futhi ibiqashelwe kakhulu ngamaphoyisa ukuqinisekisa ukuthi akukho ziphithiphithi ezenzekayo. Nakuba imashi idlule ngokuthula, ababhikishi bebeqhubeka bememeza besho ukuthi “Sifuna ukuya eNyaseni,” okuyindawo yokucima ukoma okusolwa ukuthi iphethwe ngabokufika. Ababhikishi basole…

Abafundi base-Mnambithi TVET College ekhampasini esedolobheni babambe umbhikisho besuka kuSettlers Drive baya emahhovisi ekolishi akuMurchison Street, lapho bebehambisa khona imemorandamu equkethe izikhalo zabo. Abafundi bathi babhekene nezinkinga eziningi eziphazamisa ukufunda nekusasa labo. Phakathi kwezikhalo ezikulosomqulu kubalwa ukunganikwa amathuba e-inservice training, okuyinto abathi ibenza kube nzima ukuthola ulwazi lomsebenzi oludingekayo ukuze baqasheke. Baphinde bakhala ngezindawo zokufundela…

Umphakathi waseRookdale Endala, endaweni eyaziwa ngokuthi kuseNkomfeni eBergville, ucele ukuzwa kuMeya woMasipala wasoKhahlamba, Vikizitha Mlotshwa, mayelana nokuthi akukho yini ukwesekwa abangakuthola emva kokuthi uzithathele wona isinqumo sokulungisa umgwaqo obunesikhathi eside uhlupha izakhamuzi. Abantu bendawo bathi sekuyiminyaka behlushwa yilesi simo, ikakhulukazi uma lina njengoba izimoto zigcina zingasakwazi ukuwela ngenxa yesimo esibi somgwaqo nomfula oseduze. Lokhu kuphoqea…

Kushiswe izigugula zosonkontileka obephethe umsebenzi wokwakha imigwaqo endaweni yakwaHlathi, umsebenzi okuthiwa awukaze uqale ngokuphelele. Kubikwa ukuthi imigwaqo uP361, D1290 kanye noD872 sekunesikhathi eside ibhekene nezinkinga, kanti umsebenzi wokuyilungisa umile. Abanye babasebenzi bathi ukusebenza kumisiwe ngenxa yokuthi usonkontileka akakakhokhelwa imali yakhe umnyango kahulumeni. Intukuthelo yomphakathi wezindawo ezakhele iNdaka iza ngemuva kwemibhikisho eqhubekayo yamanzi kulezi zindawo. Abanye…

Kuphazamiseke ukusebenza endaweni yase-Uitval eMnambithi ngoLwesithathu ngenxa yesiteleka somphakathi esiqhubekayo mayelana nenkinga yamanzi. Abahlali bathi akukho okuzokwenzeka kule ndawo kuze kube uMasipala uThukela uyalungisa udaba lwamanzi asehlale eyinkinga emphakathini. Lesi siteleka, esiqale izolo, sidale ukuthi kuvalwe amabhizinisi enxanxatheleni yezitolo iKwaSigweje Shopping Centre, kwaphazamiseka nokuhamba kwezimoto emgwaqweni omkhulu uHelpmekaar Road, ohlanganisa i-Uitval nezinye izindawo ezakhelene nayo…

Umphakathi wakwaShangela eMnambithi uthi usukhathale ukuphila ngaphandle kwamanzi ahlanzekile njengoba sekuphele iminyaka engaphezu kwengu-20 bengawatholi amanzi ahambayo. Abahlali bathi baphoqeleka ukuphuza amanzi asemxhaphozini kanye nezinkomo zabo ngenxa yokungabi bikho kwamanzi kulendawo. Umphakathi uthi sekunesikhathi eside ucela usizo kodwa akukho ushintsho olwenzekayo. Bathi lesi simo senza impilo ibe nzima kakhulu kubantu abadala, izingane kanye nezilwane. Bathi…