Category: Izindaba Zomphakathi

Kuvele izinsolo zenkohlakalo emaphoyiseni kamaspala wasoKhahlamba eBergville kulandela ukuthengwa kwezibhamu nezinhlamvu okuthiwa azisekho lapho kufanele zigcinwe khona. Imibiko iveza ukuthi kuthengwa izinhlamvu ezingu-4 000, izibhamu ezingu-8 kanye nesibhamu esikhulu, kodwa akuzange kufike konke ehhovisi lamaphoyisa kamaspala. Kuthiwa ezibhamwini ezingu-8 ezathengwa, kwabhaliswa eziyisikhombisa kuphela kanti esisodwa asaziwa ukuthi sikuphi. Kuphinde kubikwe ukuthi kuthengwe nenhlokohlela yesibhamu kanye…

Asisoze savaleka isikhala nobuhlungu obasala kwizakhamizi kanye nabasebenzi abathola ithuba lokuhlomula efemini iMasonite emtshezi. Lefemu ingenye yamafemu ashintsha izimpilo zabantu abaningi,yadala imisebenzi abanye bathola noqeqesho olusabasiza namanje ngaphambi kokuba ivalwe. Umphakathi uthi impela uma uhulumeni wethu nabaholi bengabukisisa kahle ushintsho olwenziwa ngamafemu afana nalawa ezimpilweni zabantu bese bezama ukuwabuyisa lokho kungaba yinto enhle kakhulu neyoba…

Ithimba labasebenzi base-Inkosi Langalibalele Local Municipality lihole umkhankaso wokukhuculula idolobha eWeenen ngaphansi kohlelo lokugcina indawo ihlanzekile. Kulo mkhankaso kuhlanganyele abasebenzi bakaMasipala abavela emnyangweni weCommunity Services kanye nabasebenzi bezinhlelo zeEPWP neCWP. Leli thimba liphume liyokhuculula imigwaqo nezindawo zomphakathi ngenhloso yokugcina idolobha lihlanzekile nokwakha indawo ephilayo nenakekelwayo. UMeya Mduduzi Myeza uthe lo mkhankaso uhlose ukushiya umaka wokuthi…

Ubunomunyu nosizi umngcwabo kasomabhizinisi waseMnambithi uMndeni Mwelase (Nxumalo), njengoba umndeni, abangani kanye nomphakathi bebemvalelisa okokugcina. Inkonzo yomngcwabo ibibanjelwe eHholo Lomphakathi eSteadville, e-Area J, lapho izihlobo, abangani namalungu omphakathi behlangene khona ukuzokhumbula impilo yakhe. Abakhulume emngcwabeni bachaze uMwelase njengomuntu onomusa, ohloniphekile futhi othanda kakhulu umndeni wakhe. Bathi ubengumuntu osebenza kanzima futhi owakha ubudlelwano obuhle nabantu abaningi…

Ithimba likahulumeni eliphezulu livakashele uMasipala wasoThukela okhungethwe yizinxushunxushu ngoMsombuluko njengoba lo masipala ubhekene nenkinga yezimali nokuhlinzekwa kwezidingongqangi. Ithimba beliholwa nguNgqongqoshe wezokuBusa ngokuBambisana neziNdaba zoMdabu uMnuz Velenkosini Hlabisa kanti bekukhona noNdunankulu waKwaZulu-Natal uMnuz Thami Ntuli, uNgqongqoshe weCOGTA uMnuz Thulasizwe Buthelezi nePhini likaNgqongqoshe wezokuThutha uMnuz Mkhuleko Hlengwa. Lolu hambo lube yingxenye yokungenelela okuphuthumayo ukuze kuhlolwe izinga lezinselelo…

BAPHUME ngobuningi babo oThisha nabaphathi bezinkulisa ngaphansi kwesifunda uThukela bamashela emahhovisi omnyango wezemfundo kulesifunda ukuyodlulisa uhlu lwezikhalazo zabo. Phakathi kwezinto abakhala ngazo ukunganakwa kothisha basezinkulisa, inkohlakalo,ukungaphathwa kahle kwabaphathi bezinkulisa behlukunyezwa ngosonhlalakahle(Social worker ), ukuchema kosonhlalakahle ekusizeni abantu bezinkulisa,ukulwisana namakomidi nama forum ukuba angazenzeli ezinkulisa bekhona abaphathi bawo,ukuchema uma kukhethwa kwezinkulisa ezithola uxhaso kuhulumeni kanye nokuvunyelwa…

INkantolo Ephakeme yaseMgungundlovu iyalele ukuthi kuvulwe wonke ama-akhawunti asebhange kaMasipala Wesifunda saseThukela nokuthi yonke imali ekhishiwe ibuyiselwe engakapheli amahora angu-48. Esitatimendeni sabezindaba esakhishwa ngomhlaka-9 Mashi 2026, umasipala wamukele lesi sinqumo, uthi lesi sinqumo senkantolo siwusizo kakhulu futhi sizokwenza umaspala ukwazi ukuqala usebenze kahle. Inkantolo iphinde yavimbela inkampani ebivule icala ukuthi ingakwazi ukuphinde ivale lama-akhawunti kuze…

Kudutshulwe kwabulawa usomabhizinisi waseMnambithi uMndeni Nxumalo wasendaweni yase-Uitvaal kanye nomngani wakhe uLindokuhle Mkhwanazi ngoMgqibelo ebusuku. Kubikwa ukuthi lesi sigameko senzeke endaweni yaseMaqanda khona eMnambithi. UNxumalo ubengumnikazi wenkampani yonogada iZSI Security. Amaphoyisa aqinisekise ukuthi bobabili badutshulwe bashona endaweni yesigameko. Imbangela yalokhu kubulawa ayikaziwa okwamanje, kanti amaphoyisa aseqalile uphenyo ukuze kutholakale ukuthi kwenzekeni nokuthi obani abathintekayo kulesi…

iPhini likaNgqongqoshe Wezokuthutha uMhlonishwa M. Hlengwa emkhankasweni weBack-to-School Career Expo kanye nohlelo lweShova Kalula uvakashele e-Alfred Duma. Lo mcimbi ubanjelwe eSgweje High School kwaHlathi, lapho kuhlangene khona abafundi abavela ezikoleni ezahlukene. Kulolu hlelo abafundi banikezwe amabhayisikili ukuze kube lula ukuya nokubuya esikoleni, kuthuthukiswe ukufinyelela ezikoleni, ukufika ngesikhathi kanye nokuphepha kwabafundi.