Bakhathazekile abasebenzisi bongwaqo ngokwanda bobugebengu emigwaqeni emibili emikhulu uN11 naku R34 okuyimigwaqo esetshenziswa ngabantu abaningi.
Ngokombiko wakwamuva kuvela ukuthi kunesigameko esenzeke mhla zingu-27 enyangeni kaMandulo lapho umshayeli oneminyaka engu39 oshayela iloli lenkampani iDurnacol ahlaselwa khona yizigilamkhuba emgwaqeni uN11. Lezi zigilamkhuba kuthiwa zaphosa itshe emotweni yakhe ihamba, nokwathi uma ema edilika ebheka, amadoda amane aphuma emotweni yawo eza kuye. Lamadoda kuthiwa akhipha izibhamu aqala adubula base bemyalela ukuthi abanike imali bathatha nomakhalekhukhwini bakhe bakhala bemuka ngemoto ababehamba ngayo yohlobo lweBMW.
kwenye isigameko esenzeka ezinsukwini ezimbili kusuka lapho umshayeli obesuka eVryheid eya eGoli, kwathi uma esekuR34 eUtrecht eyakuNewcastle Road wabanjwa inkunzi kwathathwa imali yakhe engu 11 thousand nomakhalekhukhwini bakhe abathathu kanye nebattery yemoto yakhe bamushiya kanjalo.