IZIGILAMKHUBA zidubule umshayeli we E-Hailing eMaoti.
Kudingeke ukuthi abe Reaction Unit South Africa (RUSA) baphuthume eMaoti lapho kudutshulwe khona owesilisa manje ntambama.
Kubikwa ukuthi lomshayeli WE-uBER ufonelwe ngamakhasimende mbumbulu ethi ase ePavilion Hotel eThekwini aya eMawoti, bathe uma befika nje eMaoti kwavumbuka amanye amadoda amabili ehlomile abe esemdubula maqede baduna imoto yakhe iToyota Rumion number plate BR09NR-ZN.
Abezimo eziphuthumayo bafike abantu sebemphuthumisa emtholampilo enenxeba lokudutshulwa,ube esethola ukwelashwa.