UMsunguli weMK owaxoshwa kuleliqembu uMnu Jabulani Khumalo uzomela leliqembu emhlanganweni wasePhalamende lapho kuzoqokwa khona uMengameli noSomlomo.
UKhumalo wakleliswa waba ngowesibili ohlwini labayomela leliqembu ephalamende elandela uMnu Jcob Zuma okwatholakala ukuthi akakulungele ukuba yilungu lephalamende.
UKhumalo uzomela lenhlangano ngokuvunwa wumthetho we-IEC ongavumeli amaqembu ukuthi enze izinguquko ohlwini lwabazoyobamela ephalamende. Ngokwe IEC amaqembu azokwazi ukwenza izinguquko ngemva komhlangano wokuqala wePhalamende.