Zizoqala ngomhla ka 1 kuZibandlela kulonyaka ukubonakala izinombolo ezintsha zezimoto zasesifundazweni saKwaZulu – Natal.
Umnyango wezokuthutha kulesi sifundazwe umemezele lezi zindaba ngenyanga eyedlule. Ekhuluma nabezindaba okhulumela lomnyango uMnumzane Siyabonga Ncalane uthe lokhu kudalwa ukwenyuka kwenani lezimoto ezindaweni ezakhele lesi sifundazwe, “Ezindaweni ezinjengo NRB, NPN nase NPS, azisekho sidalo izinombolo ezingasetshenziswa. Inani lezimoto selenyuke laze lafika ekugcineni njengoba selifike ku 99 000 emadolobheni amaningi” Kuchaza uNcalane.
Kusuka ngomhla ka 1 kuZibandlela izinombolo ezizokhishwa KwaZulu Natal zizobe zino “ZN” zonke.
UNcalane uthi abanikazi bazonikezwa iminyaka emibili ukuze bashintshe izinombolo zabo zibe ilezi ezintsha.