UNGQONGQOSHE wamaPhoyisa uMnuz Senzo Mchunu uthi inhloso wukuqoqa imali engaphezu kuka-R6.6 million yeSAPS Education Trust, eyeseka ukufundiswa kwezingane abazali bazo ababengamaphoyisa abulawa zisemsebenzini.
Ngonyaka odlule, iTrust yaxhasa ngezimali ukufundiswa kwabafundi bakamatikuletsheni abayi-18, abathole oDistinction abangu -17 ngokuhlanganyela.
UMchunu ubambe iqhaza osukwini lwegalofu lokuqongelela imali eMount Edgecombe Country Club eThekwini ngenhloso yokweseka lolu hlelo.
“Isikhwama kuhloswe ngaso ukubheka labo abasala ngemuva uma kushone iphoyisa ekubeni amaphoyisa avikela intando yeningi nokwenza izwe likwazi ukusebenza,” kusho uMchunu.
I-Trust ihlinzeka ngosizo lwezezimali lwesikole nemfundo ephakeme ezinganeni ezithintekile.