Inyonyana yabafundi kuleli iSouth African Union of Students ithi ifuna ungqongqoshe wezemfundo ephakeme kuleli uMnu Blade Nzimande asukumele ngokushesha indaba ka NSFAS wabafundi uma kungenjalo ashenxe esikhundleni.
Okhulumela lenyonyana uMnu Asive Dlajwa uthi lesiskhwama kusele kancane ukuba kuphele ngaso njengoba sesihluleka ukukhokhela abafundi. Sekuphele izinyanga iningi abafundi bengazitholi izimali zabo zoxhaso okudala ukuthi bengakhoni ukuqhubeka kahle nezifundo zabo. UDlajwa uqhube wathi inkinga enkulu ekhungethe lesi sikhwama ngukungasebenzi ngendlela kobuholi obukhona njengamanje.
Ephetha uthe njengenyonyana yabafundi banika uMnu Nzimande kanye nabesikhwama uNSFAS umnqamulajuqu wezinsuku eziyisikhombisa ukuthi kukhokhelwe abafundi abakweletwayo kungenjalo isimo sizoba manzonzo ezikhungweni zemfundo ephakeme kuleli kunyaka ozoqala.