Ziqinisiwe ezokuphepha ezikhungweni zezivivinyo ezahlukene eKZN ukuze kuqedwe ukukopela. UNgqongqoshe wezeMfundo uMnuz Sipho Hlomuka uthi sebehlonze futhi bazoqapha izindawo ezingu-114 okuzobhalela kuzo izivivinyo, kanti uMgungundlovu, Pinetown kanye noMkhanyakude kuhamba phambili ohlwini.
Ekhuluma eWestville, uNgqongqoshe uveze isimo sesifundazwe sokulungela amaphepha eNational Senior Certificate, azoqala mhla zingama-21 kuMfumfu.
Unxuse abafundi ukuthi basebenzise isikhathi sabo sokufunda ngobuhlakani.
“Abafundi kumele basebenzise lesi sikhathi ukubuyekeza umsebenzi wabo, bazame amaphepha esivivinyo sangaphambilini baphinde babonisane nothisha babo. Kuphinde kube yithuba lokuthi izikole zibhekane nezinselelo ezifanayo futhi ziveze abafundi izindlela ezisebenzayo zokufunda ukuze zibasize baqonde wonke amazinga emibuzo ahambisana nawo. amazinga e-National Senior Certificate Examinations.”