Okungenani abanikazi bezitolo abayisikhombisa abangenazo izincwadi zabokufika abasolwa ngokudayisa ukudla osekuphelelwe yisikhathi enyakatho ye-KZN basezitokisini. Lokhu kushiwo yiziphathimandla ezithi leli qembu libanjwe yithimba eliphenya izinga lokudla okudayiswe eMtshezi ngoLwesithathu.
Kuthiwa baphinde batholakala nezibhamu nezinhlamvu okusolakala ukuthi akukho emthethweni.
IMeya kaMasipala Inkosi Langalibalele, uMduduzi Myeza, ithi izitolo zabo zivaliwe njengoba kusaqhubeka uphenyo.
“Abanye abanikazi bezitolo bakwazile ukubaleka kodwa kodwa sisabathungatha. Sithole izinhlamvu ezingaphezu kuka-500, amaphoyisa azophenya ngalezo zibhamu ukuze athole ukuthi zisemthethweni yini noma zisetshenziselwa ubugebengu.”