U-Irvin Barnes uqokwe njengoMengameli weNational Freedom Party (NFP) engqungqutheleni yokukhetha ubuholi eqhubeka eThekwini.
UBarnes ubebhekene noZandile Myeni othole amavoti angu-190 kanti uBarnes yena wathola angu-208.
Zingaphezu kuka-600 izithunywa ze-NFP ezivotele abaholi abasha engqungqutheleni yaleli qembu eThekwini.
Nokho lengqnguthela ibiyenganywe yizinkinga njengoba abanye babaholi kuleliqembu okuhlanganisa noCanaan Mdletshe osazibiza ngoNobhala-Jikelele we-NFP, bebengeyona ingxenye yengqungquthela ebiseThekwini.
UMdletshe uthe iNational Executive Committee yeqembu ayiyithathi njengeyangempela lengqungquthela.
I-NEC ekhona njengamanje inesikhalazo sokuphikisa isinqumo seNkantolo eNkulu yaseMgungundlovu eyahoxisa ingqungquthela yokukhetha ubuholi ka-2019.