Bangaphezu kuka-70 abafundi bakamatikuletsheni baseGauteng abaphuthunyiswe esibhedlela ngezinsolo zokuthi badle ushevu. UMnyango wezeMpilo esifundazweni uthi abafundi bezikole ezahlukene zaseWest Rand bebese Fochville Secondary School ngoLwesine lapho bebehlangene khona ngenhloso yokuzocobelelwa ngolwazi njengoba kubhekwe ekubhaleni.
UMotalatale Modiba womnyango uthe umfundi oyedwa uyiswe esikhungweni esizimele.
Abanye balashwa esibhedlela iCarletonville lapho kuthiwa basesimeni esigculisayo.
“Amathimba ethu ezempilo asiqaphe ngeso lokhozi isimo,” kusho uModiba.
“Kuyakhathaza ukwenyuka kwalolu hlobo lwezigameko. Lesi sigameko silandela ngemuva kwesigameko esibuhlungu saseNaledi, lapho izingane ezinhlanu zashona kabuhlungu.”