UNGQONGQOSHE wezeMfundo eyisiSekelo, uSiviwe Gwarube, ubhekene nengwadla ngemuva kokweseka amadeski epulasitiki asongekayo anikelwe ngabakwaMcDonald’s kubafundi beBanga loku-1.
Unikeze amadeski e-St Paul’s Primary eKapa, ​​ewancoma njengezikhwama zesikole ezishintsha zibe amadeski nezihlalo. Kodwa-ke, ababtu ezinkundleni zokuxhumana bathi uhulumeni kufanele ahlinzeke ngamadeski afanelekile ngaphandle kokuthembela emnikelweni.
Abasebenzisi benkundla yezokuxhumana baphinde bazwakalisa ukukhathazeka ngokuphepha, bebiza amadeski ngokuthi awasebenzi futhi awumthwalo ezinganeni ezincane. Naphezu kwengxabano, i-MiDesk ithi umklamo wenzelwe ukusetshenziswa isikhathi eside phakathi nomsebenzi wesikole wengane.