Angahle amkhalele esekhaya amathini okwamukela unyaka ozayo loyo owayengumpetha womhlaba kubasubathi abakhubazekile owatholwa enecala lokubulala owayeyintombi yakhe engunobuhle uRiver Steenkamp ngosuku lwezithandani iValentine ngo 2013.
U-Ocar Pistorius uzovela namhlanje ngaphambi kwebhodi elibhekelele ushwele emnyangweni wokuhlunyeleliswa kwezimilo kuleli ePitoli. Lomsubathi uke wasifaka isicelo sikashwele ezinyangeni ezimbalwa kodwa sachithwa yileli bhodi ngombandela wokuthi isikhathi ayesesichithe ngaphakathi asanele ukuthi anganikezwa ushwele.
Wabe esenikela enkantolo yomthetho sisekelo yakuleli wafaka isicelo sokuphikisa lesi sinqumo sebhodi. Lenkantolo yiyonake enqume ukuthi uPistorius ufanelwe ukuthi kulalelwe isicelo sakhe sikashwele yingakho ke leli bhodi lizohlala namuhla lidingide lesi sicelo.