Iveni yamaphoyisa ethwele iziboshwa ezisalinde ukuqulwa kwamacala ibandakanyeke engozini eMpangeni. Leveni kuthiwa ibithwele iziboshwa eziyisithupha ezilinde ukuqulwa kwamacala. Lengozi kuthiwa yenzeke ekuseni izolo(Ngolwesibili)
Iphephandaba iZululand Observer ibike ukuthi ngesikhathi leveni yamaphoyisa ihamba ku-R34 Main Road ngasemathuneni eMpangeni isuka enkabeni yedolobha, ishayise umgoga osongqengemeni lomgwaqo marede yaginqika.
Lemoto yamaphoyisa kuthiwa ibithwele iziboshwa zisuka eQalakabusha Correctional Facility ziyiswa eNkantolo yeMantshi yaseSikhawini.
Endaweni yesigameko, abezimo eziphuthumayo baseMounties EMS kanye ne-Ambulance yaKwaZulu Private balaphe zonke izisulu eziyisishiyagalombili. Abayisikhombisa bathole ukulimala kanzima kodwa akubanga nzima, kanti oyedwa walimala kancane.