Undunankulu waKwaZulu-Natali umnumzane Thami Ntuli, uthi kufuneka ibhekwe kabusha indaba yabokufika kuleli.
UHulumeni wesiFundazwe saKwaZulu-Natali ubambe uMgubho woSuku lweNtsha eNyuvesi yaseZululand, ngaphansi kwendikimba ethi, “Amakhono omhlaba oguqukayo – ukufukula intsha ukuze ibambe iqhaza elibonakalayo kwezomnotho”.
Ngesikhathi ethula inkulumo yakhe yosuku, uNdunankulu uThamsanqa Ntuli ukubeke kwacaca ukuthi kumele kube khona okwenziwayo ngodaba oluthinta abokufika. UNtuli uthe kunesikole kulesi sifundazwe esinabantwana abacishe bafike engxenyeni yesikole abazalwa abokufika. Uphinde wabalula ukuthi mhlawumbe sekuyisikhathi sokuthi mhlawumbe uma uya emtholampilo, sekufanele uphathe ipasi ukuze kubonakale ukuthi ongowakuleli yini. UNdunakulu uqhube wathi, njengamanje umnyango wezempilo nowezemfundo uthwele kanzima kwezezimali, kodwa futhi kufanele ubhekelle nabantu bokufika kuyo lemali engekho.
Ube esehlaba ikhlwelo lokuthi kube nenkulumo mpikiswano ngalolu daba.