Owayengumqeqeshi weBafana Bafana ophinde abe ngumqondisi we-Orlando Pirates uStanley ‘Screamer’ Tshabalala udutshulwe ngesikhathi kugqekezwa emzini wakhe ngoLwesithathu ntambama. Okhulumela umndeni wakwaTshabalala uThato Matuka uziqinisekisile lezi zindaba.
UMatula uthe amaphoyisa aseqale uphenyo ngalolu daba. Isimo sikaTshabalala neminye imininingwane ngesigameko ibingakaziwa. “Umndeni wakwaTshabalala uthanda ukubonga umphakathi ngemiyalezo yawo yokweseka ngalesi sikhathi futhi ucele ubumfihlo ngesikhathi uBra Stan esalulama,” kwengeza uMatula.
Lo mqeqeshi oneminyaka engu-75 ubudala owake waqeqesha iSundowns unguyise womculi wekwaito ongasekho uTokollo “Magesh” Tshabalala wodumo lweTKZee nowayeyisikhulu seBGM record, uBusi Tshabalala.