UJerimiah Xolo oneminyaka emine udutshulwe wabulawa umsolwa ongaziwa eZwelisha Ethekwini – Kwazulu Natal.
Lesi sigameko kuthiwa senzeke ngezithuba zehora lesishiyagalolunye ebusuku izolo
Amaphoyisa aphuthume endaweni yesigameko kwathi uma efika athola umfanyana enenxeba lokudutshulwa ekhanda. Kuthiwa ushonile.
AbeReaction Officer baxoxisane nobaba ochaze ukuthi unkosikazi wakhe nengane babemi eduze kwe-tuckshop yendawo ngesikhathi kudlula imoto emhlophe. Umama wabe esebona ukuthi ingane iwa phansi futhi yopha kakhulu ekhanda.
Ingane ibe isidlula emhlabeni.
Utshele amaphoyisa ukuthi abasolwa bebesebenzisa imoto encane (engaziwa) nokuthi akuzwakalanga sibhamu. Umama wengeze ngokuthi ukholwa ukuthi kusetshenziswe into yokuthulisa isikhali lesi.
Ofakazi abebesendaweni eseduze babikele abeReaction Officer ukuthi akuzwakalanga kuqhuma kwesibhamu kodwa babone ukuthi ingane isiwele phansi.