UNgizwe mchunu usexwayise umlisa ongunontanda kubukwa ogama lakhe linguMax Makhanya ngokuthi uzokubona okwehlisa ikati emthini uma engaxolisi ngakusho namuhla ngomculi kamaskandi olimele uBobo Umfana wepiki.
uMacingwane, ubekhuluma nabalandeli bakhe enkundleni yokuxhumana uFacebook ntambama nje. UNgizwe uthi kunomlisa ozibiza ngoMax Makhanya odume kakhulu kuTik Tok ngokuba umlandeli kamculi kamaskandi uKhuzani Mpungose odelela oqhuba intwala ngewisa,”Kunalomuntu odelelayo okuthiwa uMax Makhanya, loyamuntu angazi nokuthi ngithini kuye kodwa into ayisho ngoBobo ayinabo ubuntu. lomuntu udelela wonke umuntu aze adelele inkolo yamaNazaretha,” kuchaza uNgizwe.
UMax Makhanya lo kuthiwe ungene kuTik Tok washiya angalazi kuBobo emva kwesigameko lapho eshawe khona umphakathi eGoli umsola ngokuntshontsha ingane yesiqashi sakhe. uMax uthe ufisa ngabe abantu bamshaye waze wafa uBobo,”ngizwile kuthiwa wena Bobo usuyakwazi ukuzwa uma kukhulunywa nawe lapho esibhedlela olele khonakuso. Sengikhuluma nawe ngqo ke manje, ngithi mina lesi senzo esenzeke kuwe sihle kakhulu ngabe kungcono ukube ufile, lomphakathi obukushaya wenze iphutha lokuthi ukushiye uphila. yikho nje phela ukuthi asisibona ababulali, kodwa uma kungathiwa sigqoka ingubo yokuba ngumbulali, wena kumele ngabe ufile,” kubhavumula lensizwa isho imchapha ngenkulu inhlamba lena uBobo.
UMchunu unqumele ugwayi katiki uMax ukuthi axolise,”ngikunika izinsuku ezintathu mfana wami ukuthi uxolise ngalento oyisho ngoBobo uphinde uxolise ngakho konke okubi ohlale ukusho,” kusho uNgizwe.
Nanoma engashongo ungizwe ukuthi uma kudlula izinsuku ezintathu engaxolisile lo mlisa kuzokwenzekani, kodwa ubebonakala ukuthi unengekile yisenzo salo nontandakubukwa.
Macingwane uhembe uyomcelela ku shembe lombhemu, uzodila naye ubaba ngoba usehlule.
Uyakudinga ukujeziswa lomfo uyeyisa kakhulu
Ayi khona umakhanya ngane zakwethu kubi lokhu akwenzile fth akujabulisi sidalo,if ungumuntu engesona isilwane angeke ube nenzondo embi kangaka sengathi uyinyumba😭nathi siyibo abalandeli bakhuzani kodwa okwenzeke kubobo asikujabuleli sidalo inhlamba asithuke ngayo anamatheli fth angeke isenze singakwaz ukuphila uMkhanya Wenzel iphutha kakhulu okubuhlungu ukuthi isono zabazali bethu ziyowela kubantwana babo.😭
Lomfo uhlaza igama lika khuzan kanye nathi siwuZulu noma ngabe udelela kanjani kodwa akudlalelwa kwa Shembe nasebukhosini bakwaZulu singadlala sisodwa njengabalandeli kodwa ukudelela ubukhosi noShembe