UNgqongqoshe wamaPhoyisa, uMnuz Senzo Mchunu, usigxeke kakhulu isigameko sokudlwengulwa kwentombazane eneminyaka engu-18 yiNkosi yendawo eneminyaka engu-54 KwaZulu-Natal, asichaze njengesenzo esibi nesihudulela phansi isimilo nokuziphatha kwabaholi bendabuko.
Lesi sigameko kubikwa ukuthi senzeka mhla zizi-4 kuNhlaba (May) wezi-2025, iNkosi yanika lona wesifazane osemncane ilifti esuka endaweni yaseGqumeni kodwa yamyisa endaweni eyihlane eqhelile lapho kuthiwa wayidlwengula.
Umsolwa waboshwa wavela eNkantolo yeMantshi yaseHlanganani ngoMeyi 9, 2025, wagcinwa esitokisini.
Kulindeleke ukuthi afake isicelo sebheyili ngoMeyi 12, 2025. UMchunu ukugcizelele ukuthi akekho umuntu, noma ngabe ukusiphi isikhundla, okumele avbikelwe ikakhulukazi emacaleni okuhlukunyezwa kwabantu besifazane, wancoma umbutho wamaphoyisa aseNingizimu Afrika (SAPS) ngokuphendula kwawo ngokushesha.
UMnyango Wezamaphoyisa uphinde uxoxisane noMnyango wezokuBusa ngokuBambisana neziNdaba zoMdabu ukubhekana neqhaza labaholi bendabuko ekulweni nalezi zigebengu.