Zizoba ngaphezulu kwekhulu izintombi ezizohambela umkhosi womhlanga walonyaka ezisuka kumaspala wase Alfred Duma.
Kubenomhlangano wonomehlo kanjalo nobuholi bamaspala wase Alfred Duma lapho bebezohlela uhambo lwezintombi lwangempela sonto ezayo lapho izintombi zibheke esigodlweni sisilo eNyokeni kwaNongoma.
Kanti umeya kamaspala wase Alfred Duma uMnuz Zama Sibisi uthi umhlangano wakhe nonomehlo bebezokwenza amalungiselelo akho konke okuzodingwa izintombi uma sezihamba ziya emhlangeni.
Umeya uveze ukuthi kulonyaka baqashe amabhasi amabili ngoba ngonyaka ophelile baphatheka kabi uma bebona izintombi sezisala ngenxa yokuthi amaBhasi wayesegcwele.
Uthi bazokwenza isiqiniseko sokuthi izintombi zinokudla kanjalo nezinto ezanele zokugeza uma sezihamba.
Usihlalo wonomehle e Alfred Duma uNdamane Dlodlo uthi umhlangano wabo nobuholi bamaspala uhambe kahle futhi bayathemba nohambo lwabo luzoba luhle kakhulu kulonyaka kwazise namabhasi asehlelekile.
Ucele abazali ukuthi bazikhulule izintombi ezifina ukuhamba ziye emkhosini womhlanga eNyokeni. Uthi zizobe ziphephile futhi zizobuya zijabule kakhulu