Kunamahlebezi abelokhu evela ukuthi Kumaspala inkosi Langalibalele kunesikhala esibekelwe umfelokazi wekhansela elashona. Lesi sikhala somsebenzi kuthiwa sinomhlomulo ongu R500 000 ngonyaka. Azishwashwathayo bathi uma uke wakhombisa ukusifuna lesi sikhundla uthola ukusatshiswa.
IMenenja kamaMaspala uMnumzane Sthembiso Mthembu uwaphika uma ngentaba lamahlebezi uthi amampunge nje lawo ashiwoyo ukuthi kusatshiswa abafuna ukufaka izicelo zokuzovala lesi sikhala.
“Ngikhuluma nawe nje bathathu ababizelwe kwinhlolokhono ngoLwesibili. Ngakho akusilona neze iqiniso ngoba nezinto ebezifuneka bekucacisiwe ukuthi phakathi kwazo kudingeka uMatric bese kuba iziqu zeMfundo ePhakeme. Akekho neze umuntu osatshisiwe kodwa bonke abasebenzi banikeziwe ithuba ngoba isikhangiso bekungesangaphakathi,” kusho uMthembu.
Ukusho lokhu nje abasebenzi benze izinsolo zokuthi uMthembu ubasabisile wafonela omunye wabo wathi akangalokothi afake isicelo kulo msebenzi.
“Kuthe uma lona omunye esesifakile isicelo, wamfonela uMenenja emthethisa, wathi usebone kungcono athumele umngani wakhe ukuba afake isicelo ngoba nakhu yena engasasifakanga,” kusho umthombo ocele ukungadalulwa nangengozi.
Umthombo udalule ukuthi abantu ababizwe kule nhlolokhono kube umfelokazi kaMnuz Mthembeni Majola we-IFP, kwaba omunye wabasebenzi okuthiwa wafaka isicelo ngenkani kwase kuba umsizi kaSomlomo.
Umsindo ngalesi sikhundla kuthiwa uqale ngoLwesihlanu ngesonto eledlule.
Weee kungaba liqiniso ngibona igama elithintekayo