Owayengumdlali weKaizer Chiefs, uJunior Khanye, useveze ukuthi i-Orlando Pirates iyona esemathubeni angcono okunqoba umdlalo obhekwe ngabomvu weSoweto Derby ka-180 namuhla.
Lezi zinkunzi zaseSoweto zizolwela amaphuzu amathathu nokuzishaya isifuba kuDStv Premiership namhlanje ngoMgqibelo womhla ziyisi-9 kuNdasa. Umdlalo uzoqala ngo-15:00 eFNB Stadium.
IBucs izobe ihlose ukunqoba okwesibili kulesizini kwiKaizer Chiefs.
Emdlalweni odlule owadlalwa ngoNovemba 2023, iThe Sea Robbers yanqoba ngo 1-0, elavalelwa phakathi umgadli weBafana Bafana u-Evidence Makgopa.
UKhanyi oneminyaka engu-38 ubudala uthi iPirates inabadlali abaningi abaseqophelweni eliphezulu uma iqhathaniswa nezimbangi zayo. Ngakho-ke lezi zihlabani zePirates zinakho konke okudingekayo ukuze zinqobe iSoweto Derby.
Okujabulisayo wukuthi kulomdlalo wanamhlanje, womabili lamaqembu aqinise izikwati zawo. I-Happy People isayinise abadlali abayisishiyagalolunye, kwathi i-Glamour Boys ilethe ubuso obusha ngabadlali abangu-10.