Umphenyi ophambili ecaleni lokubulala uSenzo Meyiwa useveze ukuthi omunye wabasolwa waxhumana noKelly Khumalo.
Ebufakazini bakhe uBrigadier Bongani Gininda utshele inkantolo ukuthi ngokuhlaziya iselula bathole ukuthi ummangalelwa unombolo 5, uFisokuhle Ntuli, uke waxhumana noKhumalo.
UKhumalo wayeyintombi kakaputeni weBafana Bafana ngaleso sikhathi.
Ukhonjwe iminwe ngabasolwa ababili ezitatimendeni zabo zokuvuma icala njengomsolwa ongungqondongqondo ekubulaweni.
Abasolwa abahlanu babhekene necala lokubulala uMeyiwa ngo-2014 eNkantolo eNkulu ePitoli.
“Yiziphi lezo zigameko lapho kukhona ukuxhumana phakathi kwabasolwa 5 noKelly Khumalo. Usuku lokuqala lwalungomhla zi-2 kuNcwaba wezi-2014 nangomhla ziyi-15 kuMfumfu wezi-2014.”